鄭伊健、何超儀、鄭中基、謝君豪、林敏驄及劉浩龍等，前晚出席電影《全力扣殺》的首映禮，談到陳小春日前在節目中，爆料指錢嘉樂將再為人父，鄭伊健聞言即說，以後有秘密不會告訴陳小春；至於為何不邀請太太蒙嘉慧(YoYo)捧場，他說電影5月上映時會包場和YoYo一起欣賞。
陳小春早前《娛樂三兄弟》訪問，大爆錢嘉樂再任爸爸，鄭伊健說：「恭喜嘉樂先，其實我早就知道，嗱！呢次唔係我講，我哋好守得秘密，依家知道有咩秘密，千祈唔可以俾陳小春知道了。」問到《古惑仔》兄弟們會不會懲罰陳小春，他笑說：「唔會啦，佢都唔喺香港，佢接受完訪問後就返咗北京！」
近排偕妻打番羽毛球
談到為何偕同YoYo欣賞首映，鄭伊健推說：「何超儀同鄭中基嘅另一半都冇嚟啦，(你與YoYo因為羽毛球而結緣，其實很配合電影？)電影5月正式上映，之後會包場同佢睇。」至於YoYo有否陪他練習羽毛球，以應付此戲的拍攝，鄭伊健則笑說：「都唔關事，不過拍完呢部戲，我哋有打番羽毛球，因為之前做演唱會，我哋玩得好癲，怕受傷，所以停咗一排冇再打。」
鄭中基做夜更陪月
鄭中基指，太太要湊小朋友，故未有捧場，他說：「依家我負責夜更，夜更都好慘，BB瞓咗好難掃風，抱佢個幾鐘又要食過。」鄭中基稱，原本請了陪月，但對方突然不出現，他續說：「之後有個頂替嘅陪月，點知做咗一個月又走，為免麻煩再請，自己辛苦啲湊番個仔。」
