琴晚睇完《激戰》，真係誠意用心之作，搞到我諗緊整唔整返個plan比自己爆吓肌，前幾個月個8星期計劃，做完出來啲相係其他專欄仲要比人話只係燈光唔同咗-_-”
多點欣賞別人做的事比只懂得彈論別人來得有意義
講返激戰裡面嘅訓練真係勾起好多回憶，係朋友堆當中好多都談論緊張家輝同彭于晏攞住兩條大麻繩thing吓thing吓好鬼型！我都忍唔住要抽吓水，我係一啲台灣網站好耐之前已經有留意呢兩條繩，其實果條大麻繩係叫“Battling Rope ”，中文直譯叫“戰繩”，係由體能訓練大師Brookfield所開發嘅一套訓練系統，呢套系統為佢再添了不小同肌力相關嘅世界冠軍。
Battling Rope 可以訓練我地嘅肌力、肌耐力、身體協調性同核心嘅力量，當然唔少得心肺功能啦，係美國NFL,MLB,NBA,MMA 都有用來做訓練的。
戰繩直徑一般有1.5寸、2寸同2.5寸，整條長12-30尺都有，當然越長個難度就越高，戰繩訓練又係利用震動時嘅離心力造成不穩定去鍛煉我地嘅穩定性，訓練時可用不同節奏嘅音樂配合不同嘅動作，令戰繩製造出不優美嘅波浪，增加樂趣同視覺享受。
係香港暫時唔係好多地方有戰繩訓練，如果你打算買條返嚟操吓，要小心幅牆嘅結實度喎…
作者 高級私人教練 Jerry Liu
